In SD Fourie se debuutroman, Die Lanternswaaier, het ons kennis gemaak met Sophie Lourens en die mense van die Strandveld en Kaapse Suidkus. Sophie is as kind gedwing om snags op stormaande die lantern te swaai en só is skepe gekul dat hulle op die rotse loop. Hierna kon haar mense die skepe se skatte buit. ’n Matroos het die Lourense en hul nageslagte vervloek vir hul praktyk wat tot die dood van soveel bemanningslede gelei het …
In SD Fourie se nuwe boek – Die Dooies Leef – keer ons terug na die Lourense en dié vloek wat van nageslag tot nageslag oorgedra word. Hannah – Sophie se agterkleinkind – skryf haar proefskrif oor die genealogie van die Lourense. Iets maak nie sin nie: Hoekom sê haar Ouma Maryna dat Hannah nie ’n Lourens is nie en hoekom het Maryna haar as kleinkind ontken en verwerp? Die verlede en die sondes van die vaders word oopgevlek en kom by Hannah spook.
In SD Fourie se nuwe boek – Die Dooies Leef – keer ons terug na die Lourense en dié vloek wat van nageslag tot nageslag oorgedra word. Hannah – Sophie se agterkleinkind – skryf haar proefskrif oor die genealogie van die Lourense. Iets maak nie sin nie: Hoekom sê haar Ouma Maryna dat Hannah nie ’n Lourens is nie en hoekom het Maryna haar as kleinkind ontken en verwerp? Die verlede en die sondes van die vaders word oopgevlek en kom by Hannah spook.
