Roman de la rose, le

Comment l'Amant trouva Richesse10399. Gardant le sentier et l'adresse Par lequel prennent le chastel Amans qui assez ont chastel Jouxte une clere fontenele, Pensant à la Rose novele, En ung biau leu trop délitable, Dame plesant et honorable, Gente de cors, bele de forme, Vi ombroier dessous ung orme, Et son ami de jouxte li: Ne sai pas le nom de celi[1] Mès la dame avoit nom Richesce, Qui moult estoit de grant noblesce. D'ung senteret gardoit l'entrée, Mès el n'iert pas dedans entrée. Dès que les vi, vers eus m'enclin, Saluai les le chief enclin; Et il assés tost mon salu M'ont rendu, mès poi m'a valu. Ge lor demandai toutevoie A Trop-Donner la droite voie: